AQSh-ta «30 jastaǵy» sábı dúnıege keldi

ASTANA. KAZINFORM — AQSh-ta 30 jyldan astam saqtalǵan embrıonnan náreste dúnıege keldi, dep habarlaıdy MIT TechnologyReview. 

26 shildede dúnıege kelgen ul bala — Taddeı Denıel Pırs «eń úlken sábı» rekordyn jańartty, dep habarlaıdy basylym. Balanyń ata-anasy 1994 jyly EKO (ekstrakorporaldy uryqtandyrý) operatsııasynan ótken áıeldiń embrıonyn alǵany habarlandy.

Barlyǵy tórt embrıon jasalyp, olardyń bireýi áıeldiń jatyryna ornalastyryldy, al qalǵan úsheýi krıokonservatsııalanyp, saqtaldy.

Eske sala keteıik, Ulybrıtanııada úsh adamnyń DNQ-sy bar 8 saý sábı dúnıege keldi. 

Sondaı-aq Ystanbuldan Tashkentke baǵyt alǵan ushaq bortynda sábı dúnıege keldi.