AQSh-ta 26 antıbıotıkke tózimdi sýperbakterııanyń alǵashqy qurbany tirkeldi
ASTANA. QazAqparat - AQSh-ta ruqsat berilgen 26 antıbıotıkke tózimdi sýperbakterııanyń alǵashqy qurbany tirkeldi, dep habarlaıdy AFP. Úndistanda aýrý juqtyrǵan 70 jastaǵy keıýana kóz jumdy.
Ǵalymdar atalǵan dáriler arzan ári aýylsharýashylyǵy sekildi salalarda keńinen qoldanylatyn Qytaı men Úndistanda antıbıotıkke tózimdi bakterııalardyń paıda bolýyn boljaǵan edi.
Syrqattyń aldyn alý ortalyǵynyń málimetinshe, keıýana Úndistanǵa sapary barysynda aıaǵyn jaraqattap alǵan. Oqıǵa el astanasy Nıý-Delıde bolǵan. Dárigerler ajalǵa Klebsiella pneumoniae bakterııa túriniń shtamy sebepshi bolǵandyǵyn anyqtady. Tamyz aıynda qarııa AQSh-qa oralyp, sol kezde onyń aǵzasynan bakterııa tabylyp, ony zertteý qolǵa alynǵan.
Bakterııa AQSh-ta lıtsenzııa beriletin jáne dárigerler paıdalanatyn barlyq 26 antıbıotıkke tózimdi bolyp shyqty. Qyrkúıek aıynan beri Nevada aýrýhanasynda oqshaýlap em qabyldap jatqan keıýana qaıtys boldy.
