AQSh-ta 237 myń «Mazda» keri qaıtarylady
ASTANA. QazAqparat - 2014 jáne 2015 jyldary shyqqan «Mazdanyń» CX-5 krossoverinde aqaý bar ekeni anyqtaldy, dep habarlaıdy jergilikti BAQ.
AQSh-ta japondyq «Mazda» avtokontserni janar maı bagyndaǵy aqaýǵa baılanysty 237 myń avtomobıldi keri qaıtarady. Kompanııa taratqan málimette 2014 jáne 2015 jyldary shyqqan CX-5 krossover kólikteri ǵana keri qaıtarylatyny kórsetilgen.
Janar maı bagynda jaryq paıda bolatyndyǵy anyqtaldy, sonyń saldarynan órt shyǵýy múmkin. Kompanııa ókilderi aqaýǵa baılanysty ázirge jol apaty tirkelmegendigin málimdeıdi. Kontsern aqaýdy tegin jóndeýge ýáde berip otyr.
