AQSh-ta 225 myń dollarǵa qala satylýda
ASTANA. 16 qarasha. QazAqparat - AQSh-ta Seneka eles-qalasy satylady. Kalıfornııa shtatynda ornalasqan qalanyń quny bar bolǵany 225 myń dollarǵa baǵalanady, dep habarlaıdy RBK.
Kalıfornııanyń Seneka qalashyǵy 10 akr aýdandy alyp jatyr. Ol Taho qalasynan soltústik-batysqa qaraı 160 shaqyrym qashyqtyqta ornalasqan. Seneka qalasynyń negizin 1851 jyly qytaı shahterleri qalaǵan. Keıin amerıkandyqtar munda ónerkásiptik aýqymda altyn óndire bastady. Altyn ken orny taýsylǵannan keıin turǵyndar eldi mekennen birte-birte kete bastady. Seneka eles-qalaǵa aınala bastady.
Búgingi kúni bul qala - birneshe qurylysy bar jer telimi. Onyń barlyǵy bir jeke tulǵaǵa tıesili. Ol da bolsa osy menshikten aıyrylǵysy keledi eken. Eles-qala 225 myń dollarǵa satylady. Qalany satyp alatyn jańa ıesine jyljymaıtyn múlikke 700 dollar kóleminde salyq tóleýge, sondaı-aq, jyl saıyn shamamen 400 dollardy quraıtyn ishimdikti satýǵa lıtsenzııalyq alym tóleýge týra keledi. Aınalada alkogol satatyn basqa mekemeler bolmaǵandyqtan, bul úlken bıznes kózi bolýy múmkin. Biraq, eń bastysy - qalashyqty satyp alýshy osy jer teliminde bolýy yqtımal altyndy óz qalaǵanynsha qoldana alady.
