AQSh-ta balalarǵa arnalǵan 224 myńnan astam zergerlik jıyntyq keri qaıtaryldy

ASTANA. KAZINFORM –  LaRose Industries kompanııasy Cra-Z-Art Gemex/Gel2Gem zergerlik buıymdaryn jasaýǵa arnalǵan 224 100 jıyntyqty keri qaıtardy. Bul sheshim buıymdardaǵy shaıyr quramynda qaýipti mólsherde akrılat bar ekeni anyqtalǵannan keıin qabyldandy, dep habarlaıdy Fox Business.

АҚШ-та 224 мыңнан астам балаларға арналған зергерлік жиынтықтар кері қайтарылды
Фото: growingyourbaby.com

Keri qaıtarý týraly eskertýde suıyq shaıyrdyń quramynda tyıym salynǵan gıdroksıetılmetakrılat bar ekeni aıtylǵan. Bul zat terimen janasqanda, tynys alǵanda nemese jutyp jiberse kóz jáne tynys alý joldarynyń titirkenýine nemese sensıbılızatsııaǵa (joǵary sezimtaldyqqa) ákelýi múmkin.

Bul ónimdegi  gıdroksıetılmetakrılat mólsheri Federaldyq qaýipti zattar týraly zańǵa sáıkes balalarǵa arnalǵan taýarlar úshin ruqsat etilgen normadan asyp ketken.

Keri qaıtarý Cra-Z-Art jáne Gemex nemese Crazy Gel2Gem belgisi bar on túrli jıyntyqty qamtıdy.

Balalarǵa arnalǵan zergerlik buıymdar Target, Marshall’s, TJ Maxx jáne Joann dúkenderinde, sondaı-aq Amazon, Target, Walmart jáne Joann onlaın platformalarynda 2023 jyldyń qańtarynan 2024 jyldyń qyrkúıegine deıin satylǵan. Baǵasy 13-36 AQSh dollar.

LaRose Industries kompanııasy zardap shekkender týraly aqparat túspegenin málimdedi. Barlyq satyp alýshyǵa zergerlik jıyntyqtardy paıdalanýdy dereý toqtatyp, tolyq aqshasyn qaıtarý úshin LaRose-qa habarlasý usynylady.

Buǵan deıin Qostanaı dúkenderinde quramynda fenol bar oıynshyqtar satylǵany týraly habarlanǵan bolatyn.

Aıta ketelik AQSh-tan esirtki salynǵan oıynshyqtarǵa tapsyrys bergen adam 10 jylǵa sottalǵan edi.

Сейчас читают