AQSh-ta 22 shildege deıin qaraly kún jarııalandy
ASTANA. QazAqparat - AQSh Prezıdenti Barak Obamanyń ókimimen Baton-Rýj qalasynda polıtseılerge shabýyl jasaý oqıǵasyna baılanysty Aq úıdegi, basqa federaldyq ǵımarattardaǵy, áskerı bazalar men shet elderdegi Amerıka Elshilikterindegi týlar túsirilip, 22 shildede kún batqanǵa deıin qaraly kún jarııalandy, dep habarlaıdy TASS.
Ótken jeksenbide Lýızıana shtatynyń Baton-Rýj qalasynda úsh polıtseı qaskóıdiń qolynan qaza tapqan bolatyn. Olardy burynǵy teńiz jaıaý áskeri, Irakta áskerı qyzmet atqarǵan Gevın Long atyp óltirgen edi. Osylaısha ol afroamerıkalyqtarǵa qatygezdik tanytqany úshin tártip saqshylarynan kek almaq bolǵan.
10 kún buryn osyndaı oqıǵa Tehas shtatynyń Dallas qalasynda bolǵan. Ol joly 5 polıtsııa qyzmetkeri ajal qushqan.
Obama tártip saqshylaryna jasalǵan shabýyldy qatal synǵa aldy. Sondaı-aq ony «memlekettik qyzmetkerlerge, sanaly qoǵamǵa» jasalǵan shabýyl dep atady. Prezıdent jurtty qoǵamdy jikke bólmeı, el birligin saqtaýǵa shaqyrdy.
Eske sala keteıik, shilde aıynyń basynda polıtsııa Baton-Rýj qalasynda jasóspirimdi atyp tastaǵan bolatyn. Budan keıin Mınnesote shtatynda taǵy bir afroamerıkalyq polıtseılerdiń qolynan qaza tapty. Osydan soń qarsylyq sharalary bastalyp, polıtseılerge jekelegen tulǵalardyń oq atý oqıǵasy jıilep ketken.
Long 2005-2010 jyldary AQSh armııasy qatarynda bolǵan. 2008 jyly oǵan serjant ataǵy berilip, 2008-2009 jyldary Irakta qyzmet atqarǵan.
