AQSh-ta 200 myń sheteldik vızasynan aıyrylýy múmkin
ASTANA.KAZINFORM — Tramp ákimshiligi 200 myń sheteldiktiń iskerlik jáne týrıstik vızalaryn qaıtaryp alýǵa daıyndalyp jatyr, bul AQSh tarıhyndaǵy eń iri jappaı vıza qaıtaryp alý áreketi, dep habarlaıdy agenttiktiń Vashıngtondaǵy tilshisi New York Post-qa silteme jasap.
Bul qaıtaryp alý 2016 jáne 2026 jyldar aralyǵynda berilgen B1 jáne B2 vızalarynyń ıelerine, baspana alýǵa ótinish bergen nemese qazirgi ýaqytta ótinish berip jatqandarǵa áser etedi.
B1 vızalary ádette issaparmen kelgenderge, al B2 vızalary AQSh-taǵy týystaryna kelgen nemese medıtsınalyq kómek izdeıtin týrısterge nemese sheteldikterge beriledi.
Memlekettik departament vızany qaıtaryp alý týraly resmı túrde jarııalaıdy, ol Іshki qaýipsizdik departamentimen (DHS) «aldaǵy aptalarda» úılestiriledi. B1 jáne B2 vızalaryna ótinish berýshiler AQSh-ta baspana izdemeıtinin rastaýy jáne qoldanystaǵy erejelerge sáıkes óz elderine oralý nıetin kórsetýi kerek.
Donald Tramptyń prezıdenttik ekinshi merzimi bastalǵannan beri Memlekettik departament qylmystyq áreket úshin sottalǵan nemese aıyptalǵan, sondaı-aq AQSh saıasatyna ashyq qarsylyq bildirgen shamamen 175 myń adamnyń vızasyn qaıtaryp aldy.
Buǵan deıin AQSh ımmıgratsııalyq emes vızalardy berý tártibin qatańdatty.
Sondaı-aq, biz AQSh-tyń Qazaqstandaǵy elshisi ımmıgratsııalyq vıza berýdiń ýaqytsha toqtatylýyn túsindirgenin habarlaǵan edik.
