AQSh-ta 1793 jylǵy quny bir tsenttik mys moneta 2,35 mln dollarǵa satyldy
ASTANA. QazAqparat - 1793 jyly AQSh-ta soǵylǵan quny bir tsenttik mys moneta Florıda shtatyndaǵy Orlando qalasyndaǵy aýktsıonda 2, 35 mıllıon dollarǵa satyldy, dep habarlaıdy RIA Novostı.
Assoshıeıted Press agenttiginiń derekterine qaraǵanda, shaqada bir-birimen jalǵasqan 13 shynjyr tizbek beınelengen. Ol alǵashqy 13 amerıkandyq kolonııanyń birligin bildiredi.
Bássaýdany uıymdastyrǵan Heritage Auctions aýktsıon úıiniń prezıdenti Geg Roýhannyń aıtýynsha, monetanyń asa sırek kezdesetindigi - dızaınynyń tym qysqa merzimge sozylǵany. Óıtkeni, synshylar shynjyr tizbek quldyqty eske salady degen pikirde bolǵan. Nátıjesinde ol gúlderden órilgen sheńberge aýystyrylǵan.
