AQSh-ta 17 jastaǵy jasóspirim kisi óltirgeni úshin 40 jylǵa sottaldy
ASTANA. Sáýirdiń 30-y. QazAqparat - AQSh-ta 17 jastaǵy jasóspirim shekara qyzmetiniń 30 jastaǵy ofıtseri Robert Rozasty óltirgeni úshin 40 jylǵa kesildi,
dep habarlaıdy Associated Press.
Oqıǵa 2009 jyldyń shilde aıynda bolǵan. Ol kezde 16 jasta bolǵan meksıkalyq zańsyz mıgrant Krıstıan Danıel Kastro Alvares Kampo degen alys aýdanda amerıkan-meksıka shekarasyn kúzetip júrgen jerinde ofıtser R.Rozasty atyp óltiredi.
Іs materıaldaryna súıensek, , K.Alvares taǵy birneshe zańsyz mıgranttarmen birge shekarany torýyldap, ofıtserdi óltirýdi aldyn ala josparlaǵan. Patrýldiń nazaryn aýdarý úshin olar jolda izder qaldyrǵan jáne shý kótergen. Shekarashy avtokóliginen túsip, olarǵa bet alǵan kezde, meksıkalyqtar shabýyl jasap, onyń qarýyn tartyp alǵan, al jasóspirim qylmysker oǵan 9 ret oq atqan.
