AQSh-ta 14 jasar jasóspirim ákesin, apaıyn atyp óltirdi jáne ájesin jaralady
ASTANA. 19 qańtar. QazAqparat - AQSh-ta kezekti qandy oqıǵa oryn aldy. 14 jasar jasóspirim ákesin, apaıyn atyp óltirip, ájesin jaraqattady, dep habarlaıdy «Maıak» radıosy.
Jasóspirim álgi qylmystardy týǵan kúnine ákesi tartý etken myltyqpen jasaǵan. Oqıǵa Ońtústik Karolına shtatynda oryn alyp otyr. Ázirge bul keleńsiz jaǵdaı týraly basqa aqparat joq.
Al Kalıfornııa shtatynda, Los-Anjeles qalasynyń irgesindegi Garden eldi mekenindegi mektepte jasóspirim oqýshynyń qatysýymen osyǵan uqsas oqıǵa bolǵanyn aqparat kózderi buǵan deıin habarlaǵan bolatyn. Onyń saldarynan eki adam zardap shekken. Eki oqýshynyń jaralanýyna sebep bolǵan kúdikti tutqyndalǵan.
Polıtsııanyń aqparaty boıynsha myltyqty mektepke oqýshylardyń biri rıýkzagyna salyp ákelgen.
Los-Anjeles polıtsııasy shefiniń orynbasary Patrık Gennonnyń naqtylaýynsha, álgi jasóspirim rıýkzagyn partanyń ústine laqtyra salǵan kezde, qarý atylyp ketken. Zardap shekkender - 15 jastaǵy jasóspirimder. Basynan jaraqat alǵan qyz balanyń jaǵdaıy aýyr, deıdi tártip saqshylary.
