AQSh-ta 14 myńnan astam adam maımyl sheshegin juqtyrǵan
Prezıdent Baıden ákimshiliginiń ókilderi beısenbi kúni aýrýǵa shaldyǵý jaǵdaılarynyń 96%-y er adamdar arasynda tirkelgenin habarlady. 6 myń jaǵdaıdy taldaý derekterine sáıkes, 35%-y – aq násildiler, 33%-y – latyn-amerıkalyqtar jáne 28%-y – qara násildiler.
Balalar arasynda da syrqattanýshylar sany artyp keledi, qazirgi ýaqytta 12 jaǵdaı tirkelgen.
Aq úı dúısenbiden bastap maımyl sheshegine qarsy vaktsınanyń qosymsha 1,8 mıllıon dozasy qoljetimdi bolady dep málimdedi, óıtkeni aýrý juqtyrýshylar sany bir aptada 30%-dan astamǵa ósken.
Medıtsına qyzmetkerleri ekpeni tikeleı teri astyna engizedi, bul dárigerlerge bir dozany bes ınektsııaǵa bólýge múmkindik beredi.
AQSh-tyń Aýrýlardy baqylaý jáne aldyn alý ortalyqtarynyń dırektory Roshel Valenskı beısenbi kúngi brıfıngide úkimet vaktsınanyń tıimdiligin áli de zerttep jatqanyn moıyndady.
Foto: cbsnews.com
