AQSh-ta 14 mıllıonnan astam bala koronavırýsqa shaldyqty

VAShINGTON. QazAqparat - Amerıkalyq pedıatrııa jáne balalar aýrýhanalary qaýymdastyǵynyń sońǵy esebine sáıkes, kovıd pandemııasy bastalǵaly Amerıka Qurama Shtattarynda 14 mıllıonnan astam bala vırýsqa shaldyqty, dep habarlaıdy QazAqparat News CN-ge silteme jasap.

Esepke sáıkes, 14-21 shilde aralyǵynda elde 92 myńnan astam baladan vırýs anyqtalǵan.

Sońǵy tórt apta ishinde AQSh-ta 311 myńnan astam bala kovıd juqtyrǵan. 2022 jyly aýrýǵa shaldyǵýdyń 6,1 mln-ǵa jýyq jańa jaǵdaıy tirkeldi.

Amerıkalyq pedıatrııa akademııasynyń málimdemesinde vırýstyń jańa túrleriniń taralýyna baılanysty aýrýdyń aýyrlyǵyn baǵalaý úshin adamdardyń jas erekshelikterine qatysty kóbirek málimet jınaý qajet ekeni aıtyldy. Pandemııa balalar densaýlyǵyna tikeleı áser etedi. Balalar men jastardyń fızıkalyq, psıhıkalyq jáne áleýmettik-ál-aýqaty úshin aýrýdyń uzaqmerzimdi saldaryn anyqtaý jáne joıý qajet.