AQSh-ta 13 jasar bala kólik aıdap, apatqa ushyrady – toǵyz adam mert boldy

NUR-SULTAN. QazAqparat – AQSh-tyń Tehas shtatynda on úsh jastaǵy bala kólik júrgizip, saldarynan toǵyz adam mert bolǵan, dep habarlaıdy QazAqparat CNN telearnasyna silteme jasap.

Pıkaptyń rýlinde bolǵan on úsh jasar júrgizýshi mıkroavtobýspen soqtyǵysqan. Avtobýs ishinde golften ýnıversıtet komandasy men onyń bapkeri bolǵan.

AQSh-tyń Ulttyq kólik qaýipsizdigi keńesi (NTSB) tóraǵasy orynbasarynyń aıtýynsha, apattan keıin eki kólik jana bastaǵan. Alty stýdent, olardyń bapkeri men kólik júrgizýshileri qaza tapty.

Aldyn ala derekter boıynsha, pıkaptyń aldyńǵy dońǵalaǵy jarylyp, sonyń saldarynan ol joldyń qarsy betine shyqqan bolýy múmkin.