AQSh-ta 120 jastan asqan 3,2 mıllıon adam qaıtys boldy dep tanyldy

ASTANA. KAZINFORM — Úkimettiń tıimdiligi departamenti (DOGE) 120 jastan asqan adamdardy qaıtys bolǵan dep belgileıtin Áleýmettik qamsyzdandyrý basqarmasynyń derekqoryndaǵy mıllıondaǵan jazbalardy tazartý jumystaryn júrgizilip jatyr, dep habarlaıdy Kazinform menshikti tilshisi FOX Business saıtyna silteme jasap.

DOGE málimdemesinde jazbalardy jappaı tazartý júrip jatqanyn aıtty. 120 jastan asqan shamamen 3,2 mıllıon SocialSecurity nómiriniń ıeleri qaıtys bolǵandar tizimine endi.

8 naýryzdaǵy jaǵdaı boıynsha Áleýmettik qamsyzdandyrý derekqorynda 120 jáne odan joǵary jastaǵy 12,3 mıllıonnan sál astam nómir ıeleri boldy. Bul kórsetkish 150 men 159 jas aralyǵyndaǵy 1,3 mıllıonnan astam adamdy qamtıdy.

Esepte bul nómirlerdiń ıeleri shynymen áleýmettik saqtandyrý tólemderin alǵan-almaǵany anyqtalmaǵan.

Áleýmettik qamsyzdandyrý jónindegi komıssardyń mindetin atqarýshy Lı Dýdek bylaı dep jaýap berdi: «Usynylǵan derekter bizdiń jazbalarymyzda áleýmettik qamsyzdandyrý nómiri bar, olardyń jazbalarynda qaıtys bolǵan kúni joq adamdarǵa arnalǵan. Bul adamdar  járdemaqy almaıdy».

Mıllıarder Ilon Mask basqaratyn DOGE aǵymdaǵy jyldyń aqpan aıyndaǵy jaǵdaı boıynsha 65 mıllıard dollar bıýdjet qarajatyn únemdeı alǵany buryn habarlanǵan bolatyn.