AQSh-ta 12 jasar qyz iPhone-yn qoldanýǵa tyıym salǵan anasyn ýlap óltirmek bolǵan
ASTANA. QazAqparat - AQSh-tyń Kolorado shtatyndaǵy Denver qalasynyń polıtseıleri iPhone-dy qoldanýǵa tyıym salyp, ony alyp qoıǵan anasyn ýlap óltirmek bolǵan 12 jasar qyzdy tutqynǵa aldy.
Bul týraly TASS habarlaıdy.
Anyqtalǵandaı, qyz bala anasyn ýlap óltirmek bolǵan. Birinshi retinde ol anasyna kir jýýǵa arnalǵan aǵartqysh zat qosylǵan kokteıl daıyndap, usynǵan. Bir ret sýsyndy jutqannan-aq onda hımııalyq qospa baryn sezgen anasy jaı ǵana balasy staqandy sýmen shaıýdy umytyp ketti dep oılaǵan.
Biraq, taǵy bir joly óziniń jatyn bólmesindegi ydystan sý ishpek bolǵanda taǵy da osyndaı hımııalyq qospa dámin sezgennen keıin qyzyn shaqyryp alyp, ashyq sóılesken. Ol bolsa smartfonyn alyp qoıǵany úshin anasyn ýlap óltirmek bolǵanyn moıyndaǵan. Oqıǵa ornyna birden polıtseılerdi shaqyrǵan kelinshek óz qyzyn ustatyp jibergen.
