AQSh-ta 12 qabatty úıdiń qulaýy saldarynan qaza tapqandar sany 54-ke jetti

NЬıÝ-IORK. QazAqparat - Qutqarýshylar Maıamı mańyndaǵy (Florıda shtaty) Sýrfsaıd qalasynda qulaǵan úıdiń úıindileri astynan taǵy segiz adamnyń máıitin alyp shyqty. Apat saldarynan qaza tapqandardyń sany 54-ke jetti, dep habarlaıdy QazAqparat.

Bul týraly sársenbide jýrnalıstermen bolǵan brıfıng barysynda Maıamı-Deıd gýbernatory Danıel-Levın Kava málim etti. Translıatsııa okrýgtiń Facebook paraqshasy arqyly júrgizildi.

«Kúndiz qutqarýshylar taǵy segiz adamdy úıindiden shyǵaryp aldy, - dedi ol. - Osylaısha qurbandar sany qazir 54-ke jetti». Kavanyń aıtýynsha, 86 adamnyń taǵdyry áli belgisiz.

Sýrfsaıdtaǵy kóp qabatty turǵyn úı 24 maýsymǵa qaraǵan túni qulady. Birinshi kúni ǵımarattyń úıindilerinen 37 adam shyǵaryldy, biraq sodan keıin tiri qalǵandar tabylmady.