AQSh-ta 11 qyrkúıek oqıǵasyna qatysty sharada jarylys jasamaq bolǵan adam ustaldy
ASTANA. QazAqparat - Nıýı-Iorkte 2001 jylǵy 11 qyrkúıek oqıǵasyn eske alýǵa baılanysty sharada jarylys jasamaq boldy degen kúdikpen 20 jastaǵy jigit ustaldy, dep habarlady «VVS» agenttigi.
Ádilet departamentiniń aqparatynsha, Florıda shtatynyń turǵyny Djosh Goldberg ǵalamtor arqyly úshinshi tulǵamen baılanysqa shyǵyp, jarylǵysh zat jasaýdyń ádisin alǵan. Alaıda, Goldbergtiń vırtýaldy «joldasy» Federaldy tergeý bıýrosynyń (FTB) aqparatshysy bolyp shyqqan.
Goldberg Mıssýrı shtaty Kanzas-Sıtıde, 11 qyrkúıek oqıǵasynyń 14 jyldyǵyn eske alýǵa arnalǵan sharada jarylys jasaýdy josparlaǵan.
