AQSh-ta 100 jastaǵy júrgizýshi bir top balany qaǵyp ketti
ASTANA. 31 tamyz. QazAqparat - Amerıkandyq Los-Andjeles qalasynda mektep janynda jol-kólik apaty bolyp, toǵyz bala jáne eki eresek adam ártúrli jaraqat aldy, dep habarlady reseılik «Gosýdarstvennye vestı» saıty.
Amerıkandyq BAQ-tyń habarlaýynsha, soqpaqjoldaǵy adamdardy 100 jastaǵy júrgizýshi afroamerıkandyq Preston Karter óziniń «Kadıllak» avtomashınasymen qaǵyp ketken. Oqıǵa balalar mektep ǵımaratynan sabaqtan keıin shyǵyp kele jatqanda bolǵan.
100 jastaǵy júrgizýshi oqıǵa ornyna jetken polıtseılerge mashınasynyń tejegishi isten shyǵýyna baılanysty rýldi basqara almaı qalǵanyn túsindirdi. Tártip buzǵan júrgizýshiniń jaqynda 101 jasqa tolatyny, egde tartqanyna qaramastan júrgizýshi kýáligi bar ekeni anyqtaldy.
Dárigerlerdiń aıtýynsha, zardap shekken balalardyń tórteýiniń jaǵdaıy aýyr.
