AQSh-ta 100 jastaǵy áıel júgirýden rekord ornatty
ASTANA. QazAqparat - Nıý-Iork turǵyny - 100 jastaǵy Ida Kıılıng - 80 jáne odan joǵary jastaǵy toppen birge 100 ıard (91 metr) júgirip, álemdik rekord ornatty, dep habarlady Life.ru Daily Mail-ǵa silteme jasap.
Fıladelfııada bolǵan báseke barysynda qart sportshy 1 mınýt 17 sekýndta 91 metrdi eńserdi.
Ol qyzy Shellanyń basshylyǵymen jattyǵady. Búginde shóberesi bar Ida Kıılıng kilemde keýdesin jerden kóterip-túsirip, jattyǵa da alady.
Uldary Charlz ben Donald qaıtys bolǵannan keıin júgirýdi bastaǵany habarlanady. Anasynyń qaıǵy jutyp júrgenin kórgen Sheıla osylaısha kóńilin aýlaýdy sheshken.
Olar anasy 67 jasqa aıaq basqan kezden bastap, kúnde tańerteń birge júgire bastaǵan. Ida Kıılıng alǵashqy jarysynda 5 shaqyrymdy eńsergen.
