AQSh-ta 100 mılıonnan astam adam qant dıabetine shaldyqqan
ASTANA. QazAqparat - AQSh-taǵy aýrýlardy baqylaý jáne aldyn alý ortalyqtary usynǵan dıabet boıynsha ulttyq statıstıkalyq esep málimetterine sáıkes, elde shamamen 100 mıllıonǵa jýyq adam qant dıabetine shaldyqqan nemese aýrýdyń aldynda tur.
Bul jaıly Medical Xpress basylymy habarlaıdy.
Baıandamaǵa sáıkes, 2015 jylǵy jaǵdaı boıynsha AQSh-ta 30,3 mıllıonǵa jýyq adam (eldegi turǵyndardyń 9,4 paıyzy) qant dıabetimen aýyrady, 2015 jyldyń ózinde ǵana atalǵan dert boıynsha jańadan 1,5 mıllıon adam aýrýlar tizimine tirkelgen. AQSh-tyń taǵy 84,1 mıllıon azamaty dıabetke deıingi kezeńde tur.
2015 jylǵy jaǵdaı boıynsha qant dıabeti eldegi adam óliminiń jetinshi sebebi bolyp tur. Olardyń basym bóligi egde jastaǵy adamdar (65 jastan joǵary), shamamen olardyń árbir tórtinshisi adam qant dıabetine shaldyqqan.
AQSh-ta dıabet boıynsha ulttyq statıstıkalyq esep ár eki jyl saıyn shyǵarylady. Ázirge onyń 2015 jylǵy málimetteri ǵana belgili. Baıandamanyń kelesi nusqasy 2019 jyly shyǵady, onda 2017 jyldyń málimetteri jarııalanatyn bolady.
Foto: Reed Saxon / AP
