AQSh-ta 1 tsenttik moneta mıllıon dollarǵa satyldy
ASTANA. 28 qyrkúıek. QazAqparat - San-Frantsısko Moneta úıiniń 1943 jylǵy bir tsent nomınaldy monetasy AQSh-taǵy bássaýdada bir mıllıon dollarǵa satyldy.
Bul týraly Eýrazııa birinshi arnasy habarlaıdy.
«Monetanyń qundylyǵy sol, ony bolattan emes, qatelesip qoladan jasap shyǵarǵan», - dep habarlaıdy RIA Novostı. Málim etilgendeı, baǵaly monetaǵa «Tehasskıe reındjery» (Texas Rangers) beısbol komandasynyń ıesi Bob R.Sımpson (Bob R. Simpson) ıe bolǵan.
Aıta keteıik, osy jyldyń basynda Amerıkanyń Florıda shtatynda osyndaı nomınaldy, biraq budan áldeqaıda erterekte jasalǵan moneta satylǵan bolatyn. Bássaýdada 1,38 mıllıon dollarǵa satylǵan tsent 1793 jylǵa jatady, sol jyldan bastap amerıkalyqtar ózderiniń tól aqshalaryn shyǵara bastaǵan bolatyn.
