AQSh-ta 1,5 mln. dollarǵa qala satylady
ASTANA. QazAqparat - AQSh-tyń Vaıomıng shtatynda 15 adam turatyn Aladdın qalashyǵy 1,5 mln. dollarǵa satýǵa qoıyldy. Áleýetti satyp alýshyǵa 15 ǵımarat, onyń ishinde poshta bólimshesi, jumys istep turǵan 118-jyldyq ámbebap dúken usynylady, dep jazady Rosbalt.
Qalany satýǵa 1986 jyly egesi atanǵan erli-zaıyptylar - Djýdı men Rık Brengl qoıdy. Osy ýaqyt aralyǵynda Djýdı qala ákimi, poshta bóliminiń bastyǵy, polıtsııa basshysy bolyp úlgerdi.
Bul jermen ár jyly tamyzda Sturgis Motorcycle Rally jarysyna bara jatqan júzdegen baıkerler ótedi. Olardyń kópshiligi dúkenniń dálizine demalýǵa toqtaıdy, ol jerde tamaqtanady. 118 jyldan beri úzilissiz jumys isteıtin dúken qalanyń joǵalyp ketpeýine sebep bolýda.
2011 jyly dúkenniń Facebook-ta jeke paraqshasy paıda boldy. Oǵan 600-ge jýyq adam jazylǵan, Aladdın ataýyn 1894 jyly alǵan.
Onyń alǵashqy ıegeri dúkendi osylaı atap, ertegi keıipkeri sııaqty baıyp ketýge úmittengen. Ol kezde qala arqyly kómir tasymaldaýǵa arnalǵan Vaıomıng pen Mıssýrıdi baılanystyratyn temir jol bolǵan. 1910 jyly tasymaldaý toqtap, 1922 jyly temir jol tarmaǵy jabyldy.
