AQSh sportshysy júzýden eń jasy úlken Olımpıada chempıony atandy
ASTANA. QazAqparat - Amerıkalyq júzýshi Entonı Ervın 50 metr qashyqtyqta erkin júzý boıynsha fınaldyq oıynda 21,40 sekýndpen jeńiske jetti.
Óziniń kezekti altyn medalin 35 jasynda alyp turǵan Ervın júzý sportyndaǵy eń jasy úlken Olımpıada chempıony atandy.
Márege ekinshi bolyp jetken osy qashyqtyqtaǵy qazirgi álem chempıony frantsýz Floran Manodý Ervınnan júzden bir sekýndqa qalyp qoıǵan.
Qola júlde taǵy bir amerıkandyq júzýshi Natan Edrıanǵa berildi.
Entonı Ervın úshin bul Rıo oıyndaryndaǵy ekinshi altyn medal - birneshe kún buryn AQSh quramasy sapynda 100 metrge erkin júzý estafetasynda jeńimpaz atandy.
Búginge deıin Ervın 16 jyl buryn Sıdneı olımpıadasynda altyn medal ıelengen edi. Biraq, jeńisten soń úlken sporttan ketip, rok-toptarda óner kórsetti, esirtki qoldanyp, ózine-ózi qol salǵysy keldi.
Tek, 2011 jyly Entonı Ervın júzýge qaıta oralyp, 2012 jylǵy Londondaǵy Olımpıada oıyndaryna qatysty, biraq onda eshqandaı júlde alǵan joq.
