AQSh sotynda alǵash ret sóıleıtin totyqus kýáger bolmaq
ASTANA. QazAqparat - AQSh-ta kisi ólimine qatysty is boıynsha qaza tapqan ıesiniń sońǵy sózderin esinde saqtap qalǵan totyqus kýáger bolýy múmkin, dep habarlaıdy National Geographic.
Mıchıgan shtatynyń turǵyny Krıstına Keller sotta jako totyqusynan jaýap alýdy usynyp otyr. 45 jastaǵy Martın Dıýramnyń ólimine qatysy bar degen kúdikpen onyń sońǵy áıeli 48 jastaǵy Glenna Dıýramǵa aıyp taǵylyp otyr. Martınniń aldyńǵy áıeli Krıstına bolǵan. Burynǵy kúıeýiniń ólgenin estigen ol osy qylmysty ózi ashýǵa talpynyp otyr.
Byltyr jazda Dıýramdar januıasy turǵan úıden Martınniń máıiti tabyldy. Oǵan bes ret oq tıgen. Onda bas jaraqatymen Glenna da jatqan, alaıda dárigerler ony qutqaryp qaldy. Qazir ol áıel adam óltirdi degen kúdikpen túrmede otyr. Tergeýde ol kúdikti seıiltý ózin-ózi jaraqattaǵan. Qaıǵyly oqıǵaǵa erli-zaıyptylar arasyndaǵy jıi oryn alatyn urys-kerister sebep bolǵan.
Qylmys bolǵan úıde Bad esimdi totyqus qaıǵyly oqıǵadan keıin birneshe aı ótken soń óz ıeleriniń daýysyna keltirip sóıleı bastaǵan. Ol Martınniń daýysyna salyp «Joǵal» dep aıtqan, áıeliniń daýsymen «Men qaıda baramyn?» dep, sońynda qus ıesiniń «Atpa!» degen sózin qaıtalaǵan.
