AQSh soty Tramptyń ýnıversıtetterge qarjylaı shekteýin zańsyz dep tanydy

ASTANA. KAZINFORM — AQSh-tyń Boston qalasyndaǵy sot Donald Tramptyń ýnıversıtetterge Ulttyq ǵylymı qordan (NSF) tólemderdi shekteý saıasatyn zańsyz dep tanydy, dep jazdy DW.

Massachýsets shtatynyń federaldy okrýgtik sotynyń sýdıasy Indıra Talvanı bıyl mamyrda qabyldanǵan Ulttyq ǵylymı qorynyń saıasatyn jaramsyz dep tapty. Bul saıasat ýnıversıtetterge granttyq zertteýlerge janama qatysy bar ákimshilik jáne materıaldyq shyǵyndar úshin ótemaqy alý múmkindigin shekteıtin edi. Bul týraly 20 maýsym kúni Reuters jáne Bloomberg agenttikteri habarlady.

Osy sheshim arqyly sot AQSh-tyń burynǵy prezıdenti Donald Tramp ákimshiliginiń ýnıversıtetterge memlekettik qoldaýdy qysqartý áreketine taǵy bir zańdy tosqaýyl qoıdy. Sýdıa Talvanı Tramp úkimetiniń bul áreketin «erkin jáne negizsiz» dep atady.

Buǵan deıin NSF respýblıkashyl ákimshiliktiń basymdyqtaryna sáıkes kelmeıtin júzdegen grantty toqtatqan. Sondaı-aq, Garvard sekildi bedeldi ýnıversıtetterge mıllıardtaǵan dollar memlekettik qarjylandyrýdy tólemeý týraly sheshim qabyldanǵan edi.

Sot Garvard ýnıversıtetine sheteldik stýdentterdi qaıta qabyldaýǵa ruqsat berdi

Buǵan deıin Bostondaǵy federaldy sot Tramptyń Garvard ýnıversıtetine sheteldik stýdentterdi qabyldaýǵa tyıym salý sheshimin belgisiz merzimge toqtatqan. Mundaı úkimdi 29 mamyrda burynǵy prezıdent Barak Obama taǵaıyndaǵan sýdıa Ellıson Berroýz shyǵarǵan. Ol bul sheshim «qalyptasqan jaǵdaıdy saqtaýǵa kómektesedi» dep málimdegen.

20 maýsymda Berroýz bul ýaqytsha tyıymnyń merzimin taǵy da uzartty.

Politico: AQSh-ta stýdenttik vızalar boıynsha suhbattar toqtatylýy múmkin

Mamyr aıynyń sońynda Politico basylymy Tramp ákimshiliginiń stýdenttik vıza alý úshin jańa suhbattardy ýaqytsha toqtatý týraly buıryq bergenin jazdy. Basylymnyń dereginshe, AQSh bıligi stýdenttik vıza alǵysy keletin úmitkerlerdiń áleýmettik jelilerin keńinen tekserý múmkindigin qarastyrmaq.

Politico málimeti boıynsha, bul sharalar — AQSh-qa oqýǵa kelgisi keletin barlyq úmitkerlerdiń áleýmettik jeli akkaýnttaryn mindetti túrde tekserýge baǵyttalǵan «aıtarlyqtaı keńeıtilgen» sharalar bolmaq.

AQSh-tyń memlekettik hatshysy Marko Rýbıo tıisti qujatqa qol qoıǵan dep kórsetilgen.

Eske sala keteıik, buǵan deıin Garvard ýnıversıteti Donald Tramp ákimshiliginiń oǵan sheteldik stýdentterdi qabyldaýǵa tyıym salý sheshimine qarsy shyqqan edi. Eldiń eń kóne jáne eń bedeldi ýnıversıtetiniń ákimshiligi juma kúni Ulttyq qaýipsizdik mınıstrligi sheteldik stýdentterdi oqytý quqyǵynan aıyrǵany týraly málimet jarııalanǵan soń 24 saǵattan keıin Tramp ákimshiligine qarsy sotqa shaǵym túsirdi.

Tramp Garvard ýnıversıtetiniń aýzynan jyrǵan qarjyny kásiptik mektepterge bermekshi ekeni aıtyldy.

Búgingi tańda Qazaqstannan «Bolashaq» baǵdarlamasy boıynsha Garvardta 7 adam bilim alyp jatyr.