AQSh soty stýdentter men jýrnalısterdiń vıza shekteýlerin joıdy

ASTANA. KAZINFORM — AQSh federal sýdıasy Tramp ákimshiliginiń sheteldik stýdentter men jýrnalısterdiń elde bolý merzimin kúrt shektegen sheshiminiń kúshin joıdy, dep habarlaıdy Kazinform agenttiginiń menshikti tilshisi France 24 arnasyna silteme jasap.

AQSh soty stýdentter men jýrnalısterdiń vıza shekteýlerin alyp tastady
Foto: roscult.org

Sýdıa Dennıs Seılor isti toqtatý týraly buıryǵynda vızalyq shekteýdi «qyńyr, ókilettigin teris paıdalaný jáne jalpy zańǵa qaıshy» saıasat dep málimdedi.

Jańa vıza erejeleri qyrkúıek aıynda kúshine enýi kerek edi, biraq Seılor olardy ýaqytsha toqtatty. Tramp ákimshiligi joǵary ınstantsııadaǵy sotqa shaǵymdandy.

Sýdıa ýnıversıtetterdi, oqytýshylardy jáne jýrnalısterdi biriktiretin kásipodaqtar koalıtsııasynyń AQSh Іshki qaýipsizdik mınıstrligine qarsy shaǵymy negizinde sheshim shyǵarǵan.

Seılor óz sheshiminde negizinen jańa vıza saıasatynyń halyqaralyq stýdentterge áserine nazar aýdardy. Ol bul saıasat «halyqaralyq stýdentterdiń doktorantýra baǵdarlamalary sııaqty uzaq ýaqyt boıy elde oqýyna tosqaýyl bolady; olarǵa qos dıplom alýyna múmkindik bermeıdi (jáne) akademııalyq mamandyqtaryn ózgertýge tyıym salady» dedi.

Usynylyp otyrǵan jańa erejelerge sáıkes, stýdenttik vızasy bar sheteldikterge elde eń kóbi tórt jyl turýǵa ruqsat etiledi, sodan keıin olar vıza merzimin uzartýǵa ótinish berýi kerek. Buryn halyqaralyq stýdentterge oqý merziminiń barlyq kezeńinde elde turýǵa ruqsat etiletin.

Sheteldik jýrnalısterdiń elde 240 kúnnen nemese shamamen segiz aıdan aspaıtyn merzimge turýyna ruqsat etiledi jáne sol merzimge turý merzimin uzartýǵa ótinish bere alady. Buryn olar elde bes jylǵa deıin tura alatyn.

Qytaılyq jýrnalısterge elde 90 kúnnen aspaıtyn merzimge turýǵa ruqsat etiledi, qosymsha taǵy 90 kúnge uzartý múmkindigi beriledi.

Buryn AQSh-taǵy halyqaralyq stýdentter sany 15%-ǵa azaıǵany týraly habarlanǵan bolatyn, bul el ekonomıkasyna eleýli qarjylyq qıyndyq ákelýi múmkin.