AQSh soty Masktyń memlekettik qyzmetkerlerdi jumystan shyǵarýyna qarsy bolmaıdy

ASTANA. KAZINFORM — Federaldyq sýdıa Memlekettik basqarý tıimdiligi departamentiniń (DOGE) áreketin «mazasyzdyq týdyratyn» jáne «alańdatatyn» dep sanaıdy, biraq naqtyraq derekter qajet ekenin málimdedi.

AQSh-tyń Kolýmbııa okrýgtik sotynyń federaldyq sýdıasy Tanıa Chýtkan dúısenbide ótken sot otyrysynda DOGE-ge federaldy qyzmetkerlerdi jumystan shyǵarý týraly kadrlyq sheshim qabyldaýǵa tyıym salý týraly buıryq shyǵarar aldynda qandaı zııan tıgizgenin dálelder arqyly kórý kerek ekenin málimdedi, dep habarlaıdy NBC News. 

Beısenbide 14 shtattyń (Nıý-Meksıko, Arızona, Mıchıgan, Kalıfornııa, Konnektıkýt, Gavaı, Merılend, Massachýsets, Mınnesota, Nevada, Oregon, Rod-Aılend, Vermont jáne Vashıngton) bas prokýrorlary DOGE-nyń úkimettiń qupııa derekterine qol jetkizýine qarsy sotqa shaǵym túsirdi, dep málim etti CBS News. 

Federaldy shyǵyndardy qysqartýǵa kúsh salǵan Mask AQSh qysqartýsyz «bankrotqa ushyraıtynyn» eskertti. Ol «saılanbaǵan» bıýrokratııa dep atalatyn bılikke qarsy kúresetinin alǵa tartty.

Eńbek statıstıkasy bıýrosynyń (BLS) málimetinshe, federaldy úkimet 2024 jyldyń qarashasynda 3 mln-nan astam adamdy jumysqa aldy, olardyń ishinde 600 myńy — AQSh poshta qyzmetiniń jumyskerleri, dep habarlaıdy Pew Research Center. 

Memlekettik qyzmetkerlerdiń sany ondaǵan jyl boıy turaqty túrde ósti. 2000 jyldyń qarashasynda federaldy jumyspen qamtý (poshta qyzmetin qospaǵanda) BLS málimetinshe 1 855 900 adamdy qurady. Sodan beri bul san jyl saıyn 1%-dan sál ǵana artyp, 2024 jyldyń naýryzynda 2 405 100 adamǵa jetti.

Eske sala ketsek, buǵan deıin Mask barlyq jerde rejımdi ózgertýge umtylmaı, AQSh-taǵy «agenttikterdi joıýǵa» shaqyrdy.