AQSh soty Donald Trampty kináli dep tanyp, 350 mln dollar aıyppul saldy

Nıý-Iork soty Donald Trampty 350 mıllıon dollardan astam tóleýge mindettedi. Ol on jyl boıy qarjylyq aıla-sharǵy jasaǵany úshin kináli dep tanyldy, dep jazady VVS. 

Sondaı-aq sýdıa Artýr Enorgon Trampqa úsh jyl boıy kez kelgen Nıý-Iork korporatsııasynyń basshysy nemese dırektory qyzmetin atqarýǵa tyıym saldy.

Nıý-Iorktiń bas prokýrory Letıtsııa Djeıms bergen sot isinde Tramp pen onyń otbasylyq bıznesi on jyl ishinde bankterdi adastyrý jáne nesıeniń jaqsy sharttaryn alý úshin qazynasyn jylyna 3,6 mıllıard dollarǵa asyra paıdalandy dep aıyptady.

Tramp bul aıyptaýlardy joqqa shyǵaryp, isti saıası kek alý dep atady.

Sondaı-aq sot Donald Trampqa, Tramp uıymyna jáne onyń fılıaldaryna Nıý-Iork shtatynyń qarjylyq qyzmetter departamenti ýákilettik bergen nemese tirkegen kez kelgen qarjy ınstıtýtynan nesıe alýǵa ótinish berýge tyıym salynady dep sheshti.

Biraq sarapshylardyń pikirinshe, sýdıa onyń bıznes ımperııasyn tıimdi túrde joıa alatyn bıznes lıtsenzııalaryn qaıtaryp alǵan joq.

Donald Tramptyń advokaty jáne is boıynsha baspasóz hatshysy Alına Habba onyń klıenti sýdıa Engoronnyń sheshimine shaǵymdanatynyn aıtty.

«Bul úkim aıqyn ádiletsizdik. Bul — Letıtsııa Djeıms Bas prokýrordyń kabınetine jaıǵasqanǵa deıin „Donald Trampty qulatýǵa“ baǵyttalǵan kópjyldyq, saıası quıtyrqy áreketterdiń sharyqtaý shegi», — dedi ol.

Habba bul is boıynsha aıǵaqtar «eshqandaı zań buzýshylyqtar, qylmystar, qurbandar bolmaǵanyn dáleldedi» deıdi.

Ol sondaı-aq «eger bul sheshim kúshinde qalsa, árbir amerıkalyqqa Nıý-Iork endi bıznes úshin jabyq bolatynyn» aıtty.