AQSh sońǵy 20 jylda alǵash ret Somalıge áskerı keńesshiler attandyrdy
ASTANA. 11 qańtar. QazAqparat - AQSh Qorǵanys mınıstrligi Somalıge birneshe áskerı keńesshi attandyrdy, dep habarlady VVS.
AQSh-tyń Afrıkadaǵy qarýly kúshteri qolbasshylyǵynyń ókili, polkovnık Tom Devıstiń málim etýinshe, amerıkalyq keńesshiler Somalı astanasy Mogadısho qalasy áýejaıyndaǵy bazada. Olardyń mindetine ıslamıstik «Ash-Shabab» tobyna qarsy kúres júrgizip jatqan Somalı men Afrıka odaǵy kúshterine járdem berý kiredi.
Somalıge amerıkalyq áskerı keńesshilerdi jiberý - bul 1993 jyly Somalı astanasynda ótkizilgen operatsııa barysynda 18 AQSh áskerı qyzmetshisi qaza tapqannan keıingi 20 jyl ishindegi Pentagonnyń alǵashqy qadamy.
