AQSh Somalıge áýeden soqqy jasady
ASTANA. 27 qańtar. QazAqparat - Keshe AQSh armııasy «Ál-Kaıda» halyqaralyq lańkestik jelisi men «Ash-Shabab» somalılik toppen baılanysty degen kúdikke ilingen toptardyń biriniń dalalyq komandıriniń kózin joıý maqsatynda Somalı aýmaǵyna zymyranmen soqqy jasady.
Bul jaıynda sheteldik BAQ AQSh Áýe kúshterindegi derekkózine silteme jasap habarlaýda.
Olardyń málimetinshe, soqqy Somalıdiń ońtústik aýdanyna jasalǵan. Operatsııa týraly jáne onyń nátıjelerine qatysty esh aqparat joq.
Aıta keteıik, 1991 jyly Sıad Barreniń dıktatorlyq rejimi qulatylǵannan keıin Somalı tutas respýblıka retinde tirshilik etýin toqtatqan bolatyn. Halyqaralyq qoǵamdastyq eldegi zańdy bılik retinde memlekettiń astanasy Mogadısho men onyń tóńiregindegi birqatar aýdandardy ıeligine alyp otyrǵan federaldy úkimetti ǵana moıyndaıdy. Somalıdiń qalǵan bóligi moıyndalmaǵan memlekettik qurylym nemese ózin ózi basqaratyn aýmaq bolyp eseptelinedi.
