AQSh Soltústik Koreıaǵa qarsy jańa sanktsııalar engizdi
ASTANA. KAZINFORM — AQSh Soltústik Koreıaǵa qarsy jańa sanktsııalar jarııalady, bul sharalar 10 jeke tulǵaǵa jáne bir zańdy tulǵaǵa qarsy baǵyttalǵan, dep habarlaıdy NBC News.
AQSh Qarjy mınıstrligi Soltústik Koreıanyń IT mamandary AQSh-tyń jáne basqa da elderdiń kompanııalaryna aldap-arbaý arqyly jumysqa ornalasyp jatqanyn, olardyń jalaqysynyń kóp bóligin Phenıan jappaı qyryp-joıý qarýyn jasaý jáne ballıstıkalyq zymyran baǵdarlamalaryn qarjylandyrýǵa jumsaıtynyn málimdedi.
Qarjy mınıstrliginiń málimeti boıynsha, sársenbide sanktsııaǵa ilikkenderdiń qatarynda Soltústik Koreıada jumys isteıtin deldaldar men Soltústik Koreıanyń IT mamandary bar. «First Financial and Technical Development Center» uıymy jáne onymen baılanysy bar alty tulǵa da sanktsııaǵa ushyrady.
Sanktsııalar prezıdent Donald Tramp Soltústik Koreıamen kelissózderdi qaıta bastaýǵa yńǵaı tanytqan tusta engizilip otyr. Phenıan óziniń ıadrolyq baǵdarlamasyn shekteýge baǵyttalǵan dıplomatııaǵa asyǵar emes.
Tramp 2018 jáne 2019 jyldary Soltústik Koreıa kóshbasshysymen kezdesken jalǵyz AQSh prezıdenti boldy. Alaıda AQSh-tyń Soltústik Koreıadan ıadrolyq qarýdan bas tartýyn talap etýine baılanysty dıplomatııalyq kúsh-jiger sátsiz aıaqtalǵan.
Buǵan deıin Kım Chen Yn KHDR áskerin soǵysqa tolyq daıyn bolýǵa shaqyrǵany habarlanǵan.
