AQSh Sochı Olımpıadasynda hımııalyq shabýyldyń oryn alý múmkindigine alańdaýly
ASTANA. QazAqparat - Vashıngtonda ótken konferentsııa barysynda lańkestikke qarsy turý salasyndaǵy amerıkandyq sarapshylar Sochıde ótetin qysqy Olımpıada oıyndarynyń qaýipsizdik máselesine qatysty jańa problemalardy kóterdi.
Olar Olımpıada qatysýshylary men qonaqtaryna qarsy ıslamshyl sodyrlar tarapynan gaz shabýyly oryn alý múmkindigine alańdaýshylyq tanytýda, dep habarlady sheteldik BAQ.
Sarapshylardyń atap ótýinshe, qysqy oıyndar qarsańynda reseılik bılik Qara teńiz jaǵalaýyndaǵy Sochı qalasyndaǵy qaýipsizdik qyzmetkerleri sanyn birneshe myńǵa jetkizip, joǵary tehnologııalyq qural-jabdyqtar satyp aldy. Jalpy qaýipsizdik qamtamasyz etý sharalaryna shamamen eki mlrd. dollar qarjy jumsaldy.
Sodyrlardyń Sochı Olımpıadasynda hımııalyq qarýdy qoldanýy múmkin ekendigin Strategııalyq jáne halyqaralyq zertteýler ortalyǵynyń lańkestikpen kúres jónindegi sarapshysy Gordon Han málim etken bolatyn. «Shyn máninde sodyrlarda hımııalyq qarý bolýy múmkin», - dedi ol.
Onyń atap ótýinshe, qazirgi ýaqytta Sırııadaǵy azamattyq soǵysqa Soltústik Kavkazdan ıslamshyl sodyrlardyń eki toby qatysýda. Mine, osylar Sırııa úkimetiniń qarý-jaraq qoımasynan urlanǵan hımııalyq qarýǵa ıelik etýleri ári ony Sochı Olımpıadasynda paıdalaný úshin Reseıge jóneltýi múmkin.
