AQSh Sırııany «terrorızmdi qoldaıtyn elder» tiziminen shyǵardy
ASTANA. KAZINFORM — AQSh Qarjy mınıstrligi Sırııanyń resmı túrde «terrorızmdi qoldaıtyn elder» tiziminen shyǵarylǵanyn habarlady, dep jazady Anadoly.
AQSh Qarjy mınıstrliginiń jazbasha málimdemesinde prezıdent Donald Tramptyń Sırııaǵa qatysty saıasatyna sáıkes, eldiń atalǵan tizimnen shyǵarylǵany aıtylǵan.
Sonymen qatar «Haıat Tahrır ash-Sham» (HTSh) uıymy «arnaıy belgilengen jahandyq terrorıstik uıymdar» (SDGT) tiziminen shyǵaryldy.
Osyǵan baılanysty AQSh Qarjy mınıstrliginiń quramyna kiretin Sheteldik aktıvterdi baqylaý basqarmasy (OFAC) da HTSh-ny arnaıy belgilengen azamattar men sanktsııaǵa ushyraǵan tulǵalar tiziminen alyp tastady.
Shilde aıynda AQSh ákimshiligi Kongreske joldaǵan habarlamasynda Sırııany atalǵan tizimnen shyǵarý josparlanyp otyrǵanyn málimdegen bolatyn.
AQSh Sırııany «terrorızmdi qoldaıtyn elder» tizimine 1979 jyly engizgen. Qazir bul tizimde Iran, Kýba jáne Soltústik Koreıa bar.
Osydan buryn Sırııa 2024 jyldyń jeltoqsanyndaǵy bıliktiń aýysýynan keıin prezıdent Bashar Asadqa qarsy alǵashqy sot úkimin shyǵarǵanyn jazǵan bolatynbyz.
