AQSh Sırııadaǵy ásker sanyn qysqartady

ASTANA. KAZINFORM – Pentagon Sırııadaǵy ásker canynyń qysqartylatynyn jarııalady: birneshe aıdan keıin onda 1000-nan az adam qalady, dep habarlaıdy VVS. 

—AQSh qorǵanys mınıstri Pıt Hegset Sırııadaǵy amerıkalyq áskerdi «tańdaýly jerlerde» shoǵyrlandyrýǵa buıryq berdi, — delingen habarlamada.

Atap ótilgendeı, bul «júıeli jáne sharttarǵa negizdelgen protsess» bolady. Áskerılerdiń azaıýy «Islam memleketi» tobyna (Qazaqstanda tyıym salynǵan — red.) qarsy naýqannyń sátti ótýimen baılanysty, bul 2019 jyldan beri onyń baqylaýynda birde-bir aýmaq qalmaýyna ákeldi.

— Prezıdent Tramptyń kúsh arqyly beıbitshilikke umtylýyna sáıkes AQSh Ortalyq qolbasshylyǵy Sırııadaǵy DAISh qaldyqtaryna soqqy berýdi jalǵastyrýǵa daıyn, — delingen habarlamada.