AQSh Sırııa jáne KHDR-ǵa qarsy jańa sanktsııalar daıyndaýda
ASTANA. QazAqparat - AQSh qarjy mınıstrligi Iran, Sırııa jáne Koreı halyq demokratııalyq respýblıkasyna qarsy jańa sanktsııa ázirleý isimen aınalysyp jatyr, - dep habarlaıdy Reuters Karjy vedomstvosynyń basshysy Stıven Mnýchınge silteme jasap.
Qarjy mınıstrliginiń jospary jaıly ol AQSh ókilderiniń palata bıýdjeti jónindegi komıtetine arnalǵan málimdemesinde baıandady. «Biz amerıkalyqtardyń ómirin qorǵaý maqsatynda Iran, Sırııa jáne Soltústik Koreıaǵa qarsy qosymsha sanktsııalar engizý úshin qolymyzdan kelgenniń bárin isteımiz», - dedi Mnýchın.
Sondaı-aq, ol bul máseleni óziniń nazaryna alyp, prezıdentpen talqylaýǵa nıetti ekendigin jetkizdi. Qarjy mınıstri onyń vedomstvosy qarastyratyn sharalardyń taǵy biri Boeing jáne Airbus ushaqtaryn Iranǵa satýǵa arnalǵan lıtsenzııalardy qaıta qaraý ekendigin aıtyp ótti.
Irannyń ıadrolyq baǵdarlamasy jóninde kelisim jasalyp, sanktsııa alynǵannan keıin, Boeing jáne Airbus Iranmen laınerlerdi jetkizý jóninde kelisimshartqa otyrdy. 2016 jyldyń jeltoqsan aıynda belgili bolǵandaı, Irannyń ulttyq áýe tasymaldaýshy kompanııasy Iran Air Boeing-ten 80 ushaq satyp alady. Kelisim quny 16,6 mlrd dollardy qurady.
Kompanııa kelisim jasaý úshin AQSh úkimetiniń ruqsatyn alǵan. Keıinnen Airbus ta Iranmen kelisimshartqa otyrdy. Kelisim boıynsha, kompanııa elge 18 mlrd dollar turatyn 100 ushaq jetkizýge tıis. 20 mamyr kúni Saýd Arabııasynan bastalǵan Taıaý Shyǵys elderi saparyndaǵy málimdemesinde Tramp Irandy «oqshaýlaý» kerektigi jóninde aıtty. Budan basqa, Amerıka Prezıdenti Tegerannan «lańkesterge qoldaý kórsetýin doǵarýyn» jáne zymyran baǵdarlamasyn damytýdan bas tartýyn talap etti.
