AQSh Sırııa-Irak shekaramańyndaǵy toptarǵa áýeden soqqy berdi
NUR-SULTAN. QazAqparat – AQSh-tyń áskerı-áýe kúshteri Irak jáne Sırııa shekarasy aýdanynda Irandy qoldaıtyn toptarǵa áýeden soqqy berdi, dep habarlaıdy QazAqparat VVS aqparat agenttigine silteme jasap.
«Amerıka áskerıleri Sırııadaǵy eki jáne Irandaǵy birneshe nysanǵa áýeden soqqy bergen. «Operatıvtik nysandar men qarý-jaraq qoımalaryna» áýeden salynǵan soqqy amerıkandyq ushqyshsyz basqarylatyn ushaqtarǵa shabyldaýǵa berilgen jaýap boldy», - dep málimdedi jeksenbi kúni Pentagonnyń baspasóz hatshysy Djon Kırbı.
«Qurama shtattar eskalatsııa qaýpin shekteýge baǵyttalǵan qajetti, oryndy ári aldyn ala oılastyrylǵan áreketter qabyldady», - dep qosyp ótti Kırbı.
Sondaı-aq Pentagon málimdemesinde «Prezıdent Djo Baıdenniń AQSh qyzmetkerlerin qorǵaý úshin áreket jasaıtyny» atap ótiledi.
«Sırııanyń adam quqyqtary jónindegi observatorııasy» uıymynyń málimetinshe, shabýyl saldarynan bes sodyr qaza taýyp, taǵy birnesheýi jaraqat alǵan.
