AQSh sırek kezdesetin metaldar arqyly Qytaıǵa táýeldiligin azaıtpaqshy
ASTANA.KAZINFORM - AQSh-tyń eń iri bolat óndiretin Cleveland-Cliffs kompanııasy Qytaı tarapynan baqylaýdyń kúsheıýine baılanysty óz baǵytyn sırek kezdesetin jer elementterine aýystyryp jatyr, dep habarlaıdy FOX Business.
-Bolat óndirisinen basqa, sırek kezdesetin metaldar mańyzdylyǵynyń artýy bizdi taý-ken óndirisine nazar aýdarýǵa ıtermeledi,- dedi Cleveland-Cliffs bas dırektory Loýrenko Gonsalvesh kompanııanyń toqsan saıynǵy kiristeri týraly málimdemesinde.
Ogaıo shtatynda ornalasqan kompanııa Mıchıgan men Mınnesota shtattarynda sırek jer mıneraldaryn óndirý josparyn jarııalady.
- Amerıkalyq óndiris mańyzdy mıneraldardy jetkizýde Qytaıǵa nemese kez kelgen basqa elge táýeldi bolmaýy kerek jáne Klıvlend-Klıffs bul máseleni sheshý úshin óz úlesin qosýǵa nıetti, - dep qosty bas dırektor.
Buǵan deıin Qytaı sırek jer elementteriniń tehnologııalaryna eksporttyq baqylaýdy kúsheıtip jatqany habarlanǵan bolatyn.