AQSh «Sınaloa» karteli týraly aqparat úshin 10 mln dollar beredi

ASTANA. KAZINFORM - AQSh Memlekettik departamenti Meksıkanyń Baha-Kalıfornııa-Sýr shtatyndaǵy «Sınaloa» karteliniń jetekshisi bolýy yqtımal eki adamdy ustaýǵa nemese qamaýǵa alýǵa kómektesetin aqparat bergenderge 10 mln AQSh dollaryna deıin syıaqy tólenetinin jarııalady.

Bul týraly Anadoly jazdy.

Vedomstvonyń resmı saıtyndaǵy málimetke sáıkes, Rene Arsate Garsııa men Alfonso Arsate Garsııa týraly aqparat úshin árqaısysyna 5 mln dollarǵa deıin syıaqy qarastyrylǵan.

Sońǵy 15 jylda bul ekeýi «Sınaloa» karteliniń atynan AQSh-pen shekaradaǵy Tıhýana qalasyn birlesip baqylap, uıym qyzmetin qamtamasyz etýde negizgi ról atqarǵany atap ótiledi.

Syıaqy usyný týraly sheshim United States Department of Justice Rene Arsate Garsııaǵa «esirtki terorızmi, turaqty qylmystyq uıymdy basqarý, sheteldik terrorıstik uıymǵa materıaldyq qoldaý kórsetý, esirtki taratý maqsatyndaǵy halyqaralyq sóz baılasý jáne aqshany jylystatý» baptary boıynsha jańa aıyp taqqannan keıin qabyldanǵan.

2024 jylǵy shildede «El Maıo» laqap atymen belgili Ismael Zambada Garsııa ustalǵannan keıin uıym eki topqa bólindi: birin burynǵy narkobaron Hoakın Gýsman («El Chapo») muragerleri, ekinshisin El Maıonyń jaqtastary baqylaýǵa alǵan.

Bılik úshin kúres óńirde kisi óltirý, qarýly shabýyldar men adam urlaý oqıǵalarynyń artýyna ákeldi: 2025 jyly shtatta 1654 kisi óltirý jáne 2320 adam urlaý deregi tirkelgen, 1445 adam habar-osharsyz ketken.

AQSh bıligi «Sınaloa» kartelin jyl saıyn 100 myń amerıkalyqtyń ólimine ákeletin sıntetıkalyq fentanıl esirtkisiniń negizgi jetkizýshileriniń biri dep aıyptaıdy.

Osyǵan deıin AQSh-tyń qurlyqtaǵy esirtki kartelderimen kúres júrgize bastaıtyny týraly jazdyq.