AQSh shtattarynyń jartysy bankrotqa ushyrady - BAQ
ASTANA. QazAqparat - Amerıkanyń birqatar shtattarynda bıýdjet problemalarynyń kólemi artyp, qazynany toltyrý qıynǵa soqty, dep jazady vestifinance.ru.
Sońǵy aqparat boıynsha, Lýızınadaǵy bıýdjet tapshylyǵy 1 shildeden bastalatyn qarjylyq jylda 1,6 mlrd. dollarǵa deıin jetetini boljanǵan. Bul jerde tabys tómendep, munaı baǵasynyń kúrt quldyraýy men bıýdjetti josparlaýda jasalǵan qatelikter sebep bolýy múmkin.
Associated Press keltirgen málimetterge súıensek, aldaǵy qarjylyq jyly kem degende 22 shtatta bıýdjet tapshylyǵy bolady.
Máselen, Alabamada qarjy tapshylyq kólemi 290 mln dollarǵa baǵalandy. Eger esh shara qoldanylmasa, aımaqta ekonomıkalyq apat bolady.
Illınoıs shtatynda zań shyǵarýshylar bıýdjettegi 6 mlrd. dollardtyq «jyrtyqty» qalaı jamaýǵa bolatyn jol izdep jatyr.
