AQSh Shyǵys Eýropadaǵy 6000 sarbazyn almastyrady

ASTANA. KAZINFORM – AQSh Qorǵanys mınıstrligi Shyǵys Eýropadaǵy 6000-ǵa jýyq amerıkalyq sarbazdyń josparly rotatsııasy osy jazda ótetinin málimdedi. Bul sheshim Atlantic Resolve («Atlantıkalyq tabandylyq») operatsııasy aıasynda júzege asyrylady, dep jazady DW.

Pentagon málimetinshe, Eýropadaǵy eki tank brıgadasyn aýystyrý kózdelip otyr. Atap aıtqanda, 1-shi jaıaý ásker dıvızııasynyń eki brıgadasy Lıtva, Polsha jáne ózge de óńirlerde qyzmet etip jatqan áriptesterin almastyrady. Jańa quramda shamamen 3500 áskerı qyzmetker bar.

Atlantic Resolve operatsııasy 2014 jyldan beri jalǵasyp keledi. AQSh pen NATO bul bastama arqyly Shyǵys Eýropadaǵy odaqtastaryn qoldap, turaqtylyqty qamtamasyz etýdi kózdeıdi.
Degenmen, Donald Tramptyń Aq úıge qaıta oralýyna baılanysty, AQSh-tyń Eýropadaǵy áskerı qatysýy qysqarýy múmkin degen boljamdar jıi aıtylýda. Buǵan deıin AQSh

Polshadaǵy mańyzdy áskerı aerodromnan ásker shyǵaratynyn habarlaǵan edi. Alaıda resmı Varshava Vashıngton áskerin saqtap qalýǵa nıetti ekenin málimdep otyr.

Qazir Eýropada 78 myńǵa jýyq amerıkalyq sarbaz bar, onyń 37 myńy Germanııada, 10 myńy Polshada ornalasqan.

Aıta keteıik, buǵan deıin Pentagon Sırııadaǵy ásker cany qysqartylatynyn jarııalaǵanyn jazdyq.