AQSh sheteldik azamattar úshin jumys isteýge ruqsat berý merzimin qysqartty
ASTANA. KAZINFORM — Donald Tramp ákimshiligi AQSh-ta sheteldik azamattardyń belgili bir sanattaryna jumys isteýge ruqsat berý erejelerin qatańdatatyn jańa tártipti bekitti, dep habarlaıdy Kazinform.
Azamattyq jáne ımmıgratsııalyq qyzmetiniń (USCIS) saıtynda jarııalanǵan jańa erejelerge sáıkes, AQSh-ta bosqyndar, baspana alǵandar jáne
quqyqtyq qorǵaý alǵan basqa da ımmıgranttar úshin jumys isteýge ruqsat berý merzimi qysqartylyp jatyr.
Jańartylǵan erejeler AQSh-ta baspana alýǵa nemese turaqty turýǵa ótinishteri (grın-kartalar) qaralyp jatqan ımmıgranttarǵa da qoldanylady.
Endi bul sanattaǵy adamdarǵa jumysqa ruqsattar qazirgi bes jyldyń ornyna eń kóbi 18 aıǵa beriledi.
Jańa saıasat 5 jeltoqsannan keıin berilgen jumysqa ruqsat alýǵa ótinishterge, sondaı-aq sol kúnge deıin qaralyp jatqan ótinishterge qatysty bolady.
USCIS óz málimdemesinde ótken aptada Vashıngtonda Ulttyq gvardııa qyzmetkerlerine jasalǵan shabýylǵa silteme jasady. Agenttik bul ózgeris ımmıgranttar jumys ruqsattaryn uzartý týraly ótinish bergen kezde olardy jıirek tekserýge múmkindik beredi dep málimdeıdi.
Eske sala ketsek, ótken aptada Aq úıdiń mańynda AQSh Ulttyq gvardııasynyń áskerı qyzmetkerlerine oq atylǵan.
Keıinirek Tramp Aq úı mańyndaǵy atys kezinde jaralanǵan sarbazdyń qaza tapqanyn jetkizdi.
AQSh Ulttyq gvardııasynyń sarbazyna oq atqan kúdiktiniń jeke basy anyqtaldy.
Sondaı-aq AQSh-ta 19 elden kelgen azamattardyń grın-kartalary qaıta tekseriletinin jazdyq.
