AQSh sheteldikterge vıza berý júıesin qalpyna keltirdi
ASTANA. QazAqparat - AQSh vıza berýge baılanysty tehnıkalyq problemalardy sheship, sheteldikterge vıza qujattaryn berý úrdisin qalpyna keltirdi. Bul týraly AQSh Memlekettik departamentiniń resmı ókili Djon Kırbı málimdedi, dep habarlady «RIA Novostı».
13 maýsymda AQSh memlekettik departamenti amerıkalyq vıza júıesi men sheteldik tólqujat júıesi jumysynda tehnıkalyq aqaýlar oryn alǵanyn habarlaǵan.
«Konsýldyq qyzmet bıýrosy bıometrıkalyq derekterge jaýap beretin júıe jumysy qaıta tekserýden ótkizilip qalpyna keltirilgenin habarlady», - dedi Kırbı. Onyń aıtýynsha, barlyq amerıkalyq vızanyń 66 paıyzyn berýge jaýap beretin 33 elshilik pen konsýldyq qujattar bere bastady, qalpyna keltirý jumystary kúlli álem boıynsha tolyq kólemde júrgizilip jatyr. Kırbı dúısenbide AQSh 45 myń vıza bergenin (onyń ishinde Beıjińge 15 myń) atap ótti.
