AQSh shetel stýdentterin deportatsııalaýy múmkin

VAShINGTON. QazAqparat – AQSh-ta bilim alyp jatqan shetel stýdentteri kúzgi semestrde oqý onlaın túrde júrgiziletin bolsa óz erkimen elden ketýge májbúr bolady. Bul týraly eldiń Shekara jáne ımmıgratsııa máseleleri boıynsha agenttigi habarlap, tártipke baǵynbaǵandardy deportatsııalaıtyn aıtyp qorqytty, dep habarlaıdy QazAqparat bbc.com-ǵa silteme jasap.

Elde koronavırýs juqtyrǵandar sany 2,9 mln-ǵa jetti. Birneshe bedeldi ýnıversıtet qaýipsizdik maqsatynda kúzgi maýsymda ǵana emes, kelesi jyly tolyǵymen onlaın formatta bilim beretinin málimdedi.

Áıtpese – deportatsııa

Ózgerister AQSh-ta F-1 jáne M-1 vızasymen júrgenderdiń barlyǵyna qatysty. Vızanyń birinshi túri elde bilim alý úshin halyqaralyq stýdentterge beriledi, ekinshisi – kásibı kýrstarǵa, mysaly biliktiligin arttyrýǵa arnalǵan.

Shekara jáne ımmıgratsııalyq máseleler boıynsha agenttiktiń habarlaýynsha, eger ýnıversıtet kúzgi semestrde tolyǵymen onlaın oqýǵa kóshse, elde qalǵysy kelgen stýdentter qandaı da bir qadamǵa barý kerek.

Máselen, sol semestrde onlaın júıege kóshpegen basqa JOO-na aýysýyna bolady. Mundaı talaptardy oryndamaǵandardy deportatsııalanýy múmkin.

Garvardtyń jaýaby

Álemdegi eń tanymal ýnıversıtetterdiń biri – Garvard, kúz maýsymynda oqý onlaın formatta bolatynyn málimdegen.

Ýnıversıtet prezıdenti Larrı Bakoý amerıka bıliginiń sheshimin orynsyz dep baǵalady.

«Bul sheshim kóp ýnıversıtettiń úmitin úzdi. Olar jahandyq pandemııa kezinde stýdentter densaýlyǵyn saqtaı otyryp oqýyn jalǵastyrý úshin barlyq jaǵdaıdy jasaǵan edi», – dedi Bakoý. Ol Garvard basqa ýnıversıtettermen birlesip bul máseleni sheshýge, stýdentter deportatsııadan qoryqpaı oqýyn jalǵastyra berýi úshin bar kúshin salýǵa ýáde etti.

Bul alaıaqtyq emes

AQSh-tyń kóshi-qon saıasaty qatal: el buryn da onlaın bilim alǵysy kelgenderge vıza bermeı qoıǵan edi.

«Qazir áńgime uıatsyz ýnıversıtter nemese alaıaqtyq týraly bolyp turǵan joq. Biz basqa kezderi arnaıy baǵdarlamalarmen stýdentterin oqytatyn iri ýnıversıtetter týraly aıtyp otyrmyz», - dedi vashıngtondyq Qospartııalyq saıasat saraptama ortalyǵynyń mıgratsııalyq saıasat sarapshysy Tereza Kardınal Braýn.

Bı-bı-sı pikirlesken stýdentter JOO-na shetel stýdentteri bolǵan tıimdi ekenin aıtty. Sebebi olar amerıkalyqtardan artyq aqsha tóleıdi. AQSh saýda mınıstrliginiń 2018 jylǵy deregi boıynsha, elge shetel stýdentterinen túsetin tabys 45 mlrd dollardy quraǵan.