AQSh shekarasyn kesip ótý jaǵdaılary kúrt azaıdy
ASTANA. KAZINFORM – AQSh-tyń Shekara-keden qyzmeti shekarany kesip ótýdiń eń tómen kórsetkishi tirkelgenin málim etti, dep habarlaıdy Fox News.
Maýsym aıynda shekaranys 25 228 ret kesip ótken. Bul agenttik tirkegen eń tómengi aılyq kórsetkish. Tek ońtústik shekarada ótken aıda 6072 adam ustaldy, ol naýryzda tirkelgen aldyńǵy rekordtan 15% tómen. Sonymen qatar, 28 maýsym kúni táýliktik ustaý kórsetkishi boıynsha eń tómengi deńgeı tirkeldi – bar bolǵany 136 jaǵdaı.
«Zańsyz ótý áreketteriniń jolyn kesýden bastap fentanıldi tárkileý men mıllıardtaǵan dollar kólemindegi baj salyǵyn engizýge deıin – AQSh-tyń Keden jáne shekara qyzmeti barlyq baǵyt boıynsha nátıjeli jumys istep jatyr. Qazirgi ákimshilik kezinde biz eldi erekshe tabandylyqpen qorǵap jatyrmyz jáne buny bizdiń kórsetkishterimiz de rastap otyr», – dedi AQSh-tyń Keden jáne shekara qyzmetiniń komıssary Rodnı Skott sársenbi kúni taratylǵan baspasóz habarlamasynda.
Fox News-iń jazýynsha, shekaradaǵy jaǵdaı tynyshtalǵanymen jappaı deportatsııalaý aıasynda federaldy jáne kóshi-qon bıligine qarsy narazylyqtar men tártipsizdikter tyıylmaı tur.
Osyǵan deıin AQSh-qa zańsyz barǵan mıgranttar kepildikpen bosatylý múmkindigin paıdalana almaıtyny týraly jazdyq.