AQSh Senatynyń arnaıy komıteti Sırııadaǵy áskerı operatsııany qoldady
ASTANA. 5 qyrkúıek. QazAqparat - AQSh Senatynyń syrtqy ister jónindegi komıteti Sırııadaǵy áskerı operatsııany kózdeıtin rezolıýtsııanyń jobasyn qoldady.
Álemdik buqaralyq aqparat quraldary habarlaǵandaı, B.Obamanyń josparyn komıtettiń 10 múshesi qoldasa, jeteýi qarsy daýys berdi. Al bir senator qalys qaldy. Endi, kelesi aptada Sırııadaǵy áskerı operatsııany ótkizýdi kózdeıtin rezolıýtsııa búkil senat palatasynyń talqylaýyna túsedi. Al onyń quramynda 100 senator bar. Aıta keteıik, rezolıýtsııanyń búgingi jobasyna sáıkes, Sırııadaǵy áskerı operatsııany 60 kúnniń ishinde ótkizý kózdelgen. Sondaı-aq taǵy bir aıdaı qosymsha ýaqyt qarastyrylyp otyr. Qujat tek áýe soqqylaryn ǵana jasaýdy kózdeıdi.
