AQSh Senaty Trampty aqtap aldy
VAShINGTON. QazAqparat - AQSh Prezıdenti Donald Trampqa jarııalanǵan ımpıchment protsesi aıaqtaldy. AQSh Senaty prezıdentti eki bap boıynsha da aqtap aldy, dep habarlaıdy QazAqparat Reuters agenttigine silteme jasap.
Onyń aqtalýyna senatorlar arasynda Respýblıkalyq partııa músheleriniń kóp bolǵany áser etti. Aıta ketý kerek, Tramp AQSh tarıhynda ımpıchment jarııalanǵan úshinshi prezıdent boldy.
Al ımpıchment oǵan eki bap boıynsha jarııalanǵan edi. Onyń birinde Tramp qyzmetin asyra paıdalandy delinse, ekinshi bap boıynsha ol Kongress jumysyna kedergi keltirdi dep aıyptalǵan. Al senatorlardyń úshten ekisiniń daýysy jınalsa, Tramp sottalyp, prezıdenttikti bosaıtyn edi.
Qazir Tramp saılaýaldy kezeńge daıyndyqty bastap ketti.
