AQSh Senaty Fınlıandııa men Shvetsııanyń NATO-ǵa qosylýyn qoldap daýys berdi
100 senatordyń 95-i atalǵan eki eldiń NATO-ǵa qosylýyn jaqtap daýys berdi, tek bireýi qarsy boldy. Kelisimdi alý úshin 67 daýys jetkilikti.
Endi NATO-ǵa múshe barlyq 30 el ótinimderdi qabyldaýy kerek. Sodan keıin ǵana Fınlıandııa men Shvetsııa múshelikke tolyqqandy óte alady. Protsedýra birneshe aıǵa sozylýy múmkin.
«Ortaq qaýipsizdigimizge kez kelgen qaýip-qaterge qarsy qyraǵylyqty saqtaý úshin jumys isteýdi jalǵastyramyz. Sondaı-aq agressııaǵa nemese agressııa qaterine qarsy turyp, oǵan jol bermeıtin bolamyz», - dedi el prezıdenti Djo Baıden Senatta daýys berý ótkennen keıin.
«Qosylý týraly hattamalarǵa qol qoııýdy taǵatsyzdana kútemin jáne asa joǵary qarýlanǵan kúshi bar eki qýatty demokratııa – Shvetsııa men Fınlıandııany tarıhtaǵy aýqymdy qorǵanys odaǵynyń quramynda kórýge qýanyshtymyn», - dep qosty ol.
Foto: www.nbcnews.com
