AQSh Senaty eks-prezıdent Donald Tramptyń ımpıchmentine qarsy daýys berdi
Eks-prezıdent Donald Tramptyń ımpıchmenti jónindegi menedjerleri respýblıkalyq senatorlardy burynǵy memleket basshysynyń Kongreste búlik týdyrǵany úshin kináli ekendigine sendire almady.
Eske sala keteıik, 6 qańtarda Tramptyń jaqtastary Kongreske basyp kirgen bolatyn.
Senbi kúni Trampty aıyptaý úkimin shyǵarýǵa 7 respýblıkashyl senatory qosa alǵanda 57 senator daýys berdi. 43 zań shyǵarýshy qarsy boldy. Aıyptaý úkimin bekitý úshin eks-prezıdenttiń ımpıchmentin barlyq demokrattar, eki táýelsiz senator jáne kem degende 17 respýblıkashylar qoldaýy kerek bolatyn.
Senbi kúni tústen keıin Senattyń respýblıkalyq azshylyq lıderi Mıtch Makkonnell ımpıchmentke qarsy daýys beretindigin rastady. Baqylaýshylardyń Senattyń úshten ekisi demokrattardyń kózqarasyn qoldamaıtynyna kózderi jetti.
Osyǵan deıin AQSh Kongresine Tramp ımpıchmenti týraly rezolıýtsııa usynylǵany habarlandy.
Demokrattar 6 qańtarda AQSh kongresindegi tártipsizdikterge baılanysty Tramp qyzmetinde qalǵan jaǵdaıda «ulttyq qaýipsizdikke, demokratııa men konstıtýtsııaǵa qaýip tóndiretinine» senimdi boldy.
Osyǵan qaraı rezolıýtsııa avtorlary Trampqa aldaǵy ýaqytta saılanbaly laýazymǵa barýyna tyıym salýǵa shaqyrdy.
Prezıdent Trampqa ımpıchment jarııalaý týraly qaýlyǵa Ókilder palatasynyń spıkeri Nensı Pelosı qol qoıdy.
Keıinirek AQSh-tyń Ókilder palatasy Donald Tramp ımpıchmentine qatysty qujattardy Senatqa jiberý týraly sheshim qabyldady.
