AQSh senaty Dj.Iellendi Federaldy rezerv júıesi basshylyǵyna bekitti
ASTANA. 7 qańtar. QazAqparat - Amerıkandyq senat Djanet Iellenniń kandıdatýrasyn AQSh-tyń Federaldy rezerv júıesi basshylyǵyna bekitti,
dep habarlady RBK. Daýys berý áli jalǵasýda. Joǵary palatadaǵylardyń kóbi onyń kandıdatýrasyn maquldady.
Eske sala keteıik, osyǵan deıin AQSh prezıdenti Barak Obama usynǵan Dj.Iellenniń kandıdatýrasyn senattyń bank komıteti de maquldaǵan.
Osy másele boıynsha daýys berý 2013 jyldyń 21 qarashasynda ótti.
Ben Bernankeni aýystyrǵan 67 jastaǵy Dj. Iellen AQSh-tyń FRJ basshylyǵyndaǵy birinshi áıel adam. FRJ-degi mansabyn ol 1977 jyly basqarýshylar keńesiniń ekonomısi bolyp bastady, al 2010 jyldyń qazanynda FRJ basqarýshylar keńesi tóraǵasynyń orynbasary bolyp saılandy. FRJ basshysynyń ornyna buǵan deıin AQSh-tyń burynǵy qarjy mınıstri Loýrens Sammers úmitker bolǵan edi.
