AQSh Senaty B.Bernankeni Federaldyq rezervtik júıeniń basshylyǵyna taǵaıyndaýǵa daýys berdi
ASTANA. Qańtardyń 29-y. QazAqparat - AQSh Senaty Federaldyq rezervtik júıeniń tóraǵasy Ben Bernankeniń ókilettigin uzartýdy qoldap, daýys berdi.
Senattyń 70 múshesi osy sheshimdi qoldasa, 30 adam qarsy daýys berdi, dep habarlaıdy RBK agenttigi.
Daýys berýdiń qarsańynda birqatar senatorlar Federaldyq rezervtik júıe basshysynyń daǵdarysqa qarsy sharalaryn qatty synǵa alǵan bolatyn. Olardyń pikirinshe, eger federaldyq júıe jyljymaıtyn múlik baǵalarynyń «ekonomıkalyq kópirshikterine» qarsy kúreskende, AQSh ekonomıkalyq daǵdarysqa ushyramaıtyn edi.
AQSh Prezıdenti Barak Obama B.Bernankeni Federaldyq rezervtik júıe basshylyǵyna ekinshi tórtjyldyq merzimge 2009 jyldyń tamyz aıynda usynǵan bolatyn.
Taǵy bir aıta ketetin jaıt, Time jýrnaly B.Bernankeni «2009 jyldyń Jyl adamy» dep atady.
